Hazem Abdou's Linkedin Analytics

ال10 الأوائل من ذي الحجة هم أعظم 240 ساعة بغروب شمس اليوم هتبدأ اول ليله في اعظم 10 ايام في الأرض وهم العشر الأوائل من ذي الحجة وناس كتير بتفكر: "إزاي أوازن بين الشغل، والطموح، وعلاقتي بربنا والطاعة؟" خليني أقولك إن الفرصة مش بس روحية… دي كمان مهنية! 🔹 ليه تعتبر العشر الأوائل من ذي الحجة موسم تطوير ذاتي وروحي؟ كل يوم فيهم بيحمل طاقة مختلفة… ولو استثمرتهم صح، هتكتشف إنهم مش بس للعبادة، لكن كمان لإعادة ترتيب أولوياتك، والتفكير في نفسك وشغلك بطريقة أعمق تكمل معاك عالطول. ✅ نبدأ بالاعمال الروحيه 🔸 التكبير والتهليل خلي صوتك عالي: «الله أكبر… لا إله إلا الله… الله أكبر، ولله الحمد» دي أبسط حاجة، بس بتفتح لك قلبك وتذكرك بقدرة ربنا. 🔹 الصدقة وإفطار الصائمين غير أنك بتكسب أجر كبير، بتحس بفرحة الناس حواليك وبترجعلك طاقة إيجابية تخليك مكمل الشغل والنشاط. 🔸 قراءة القرآن بتدبر مش مجرد تمرير عين على السطور… حاول تفهم المعاني، وتختار آية كل يوم تركز فيها. حتى لو 5 دقايق، أحسن ما مفيش. 🔹 الدعاء بظهر الغيب افتح جوالك كل يوم قبل النوم، ابعت لأصحابك وأهلك دعوة حلوة: «اللهم ارزق فلان… اللهم يفرّح فلان…» الدعوة دي بتشيل هم الناس وتجدد محبتك ليهم. 🔸 مراجعة الأهداف وتخطيط الفترة الجاية خد ورقة وقلم، واكتب 3 حاجات نفسك تحققها لحد نهاية السنة الهجرية. هتتفاجئ قد إيه التخطيط البسيط ده بيخليك مركز وشغال بحماس. 🔹 المسارعة للخيرات ابحث عن مشروع تطوعي أو مساعدة بسيطة في الشغل: تدريب زميل جديد، مشاركة محتوى مفيد، أو حتى شكر رئيسك على دعمك. 🔸الصيام لو قدرت تصوم العشر أيام كاملين يبقي جزاء الله خير وخير الأعمال الي الله بس لو مقدرتش فعلي الأقل تصوم يوم عرفة لأنه بيكفر ذنوب سنتين والله أعلم ✅ إزاي تستفيد منهم بقي في بيئة العمل؟ 🔹نضف الـTo-Do List ابدأ يومك بنية خالصة، نظف مهامك، وحدد أهم 3 حاجات هتنجزهم بإتقان. 🔸راجع أهدافك السنوية إحنا خلاص في نص السنة تقريبًا وقفة صدق مع النفس دلوقتي ممكن تغير باقي السنة 180 درجة. 🔹 كون شخص ألطف في الشغل صدقة بسيطة، كلمة طيبة، دعم لزميلك… كل ده ليه أجر كبير وتأثير أكبر في بيئة العمل. 🔸قلل من التوتر، زوّد النية حتى وسط الضغط، لو نيتك صافية، ربنا هيبارك في وقتك وشغلك. 👈 رسالة لكل محترف أو رائد أعمال: الأيام دي مش بس موسم عبادات… دي فرصة ذهبية تبني فيها نفسك من جوه، علشان تقدر تطلع نسخة أقوى منك في الشغل وفي الحياة. أنا شخصيًا ناوي إن شاء الله اخصص كل يوم في العشر الأوائل حاجتين هعملها واحدة عبادة و حاجة أراجعها في نفسي هل فعلاً أنا ماشي في الطريق الصح؟ ولا محتاج أرجّع البوصلة؟ المفاجأة؟ دايمًا بطلع بحاجة جديدة تغيرلي نظرتي للشغل وللحياة تمامًا. إيه من الحاجات دي ناوي تركز عليها في الأيام الجاية؟ اكتبلي في الكومنت، أو منشن صحابك اللي حابب يعيشوا العشر الأوائل مع قلب ونية صافية!

عاوز تزود ظهورك علي لينكدان؟ لقيت نفسي بظهر في بحث LinkedIn، بس مش بالمسميات اللي كنت متخيلها!" ده اللي حصل حرفيًا لما فتحت إحصائيات الظهور (Search Appearances)، واكتشفت شوية مفاجآت 🔹 Corporate Trainer – 4.8% 🔹 Business Strategist – 4.4% 🔹 Founder – 4.4% 🔹 Salesperson – 4.2% 🔹 Consultant – 3.3% واضح إن الناس شايفة البروفايل بتاعي مناسب للمجالات دي بس الصدمة؟ 😅 أكتر من 99% من اللي لقوني في البحث، ظهرولي تحت مسميات فرعية زي: 📌 Recruiter 📌 Coach 📌 Trainer 📌 Navigator يعني LinkedIn بيشوفني بس مش بيظهرني! وده خلاني أرجع أراجع البروفايل بتاعي بنظرة مختلفة: • هل العنوان واضح؟ هل الكلام في النبذة الشخصية بيخدم هدفي؟ • هل الكلمات المفتاحية اللي كاتبها فعلاً بتعكس أنا مين وبعمل إيه؟ ولو عاوز تزود ظهورك على لينكدإن؟ ممكن تفتكر إن الحل في البوستات بس من شوية كنت ببص على insights بتاعت حسابي على LinkedIn… والمفاجأة إن أكتر من 50% من الظهور بتاعي للناس كان من الكومنتات! آه والله… الكومنتات مش البوستات! 📊 الإحصائيات كانت كده: 🔹 50.1% من الظهور جه من الكومنتات 🔹 46.5% من البوستات 🔹 2.7% من الترشيحات 🔹 أقل من 1% من السيرش يعني ببساطة وجودك الفعّال في الكومنتات بيزوّد فرص ظهورك أكتر حتى من البوستات اللي بتقعد تفكر فيها بالساعات! وده معناه إنك مش لازم تنزل بوست كل يوم عشان تبني براند قوي ممكن تبدأ بخطوة بسيطة زي كومنت محترم ومفيد على محتوى غيرك… وتشوف النتيجة بنفسك. تجربتي👇 من أول ما بدأت أعلّق بشكل استراتيجي على بوستات في مجالي (LinkedIn، Personal Branding، Resume Writing)، عدد الـ profile views زاد، والناس بدأت تبعتلي رسائل، وبدأت علاقاتي تكبر. وده طبيعي لأن الناس بتحب الفضول، أول ما يشوفوا اسمك في كومنت مختلف، بيروحوا يبصوا على بروفايلك وهنا تيجي فرصتك. 💡 نصيحة مني ليك: ابدأ تعلّق على بوستات الناس اللي في نفس مجالك شارك رأيك، اسأل سؤال، أو زوّد معلومة. الكومنت ممكن يبقى محتوى لوحده! ✅ مش لازم تبقى خبير كتابة محتوى… بس لازم تبقى نشيط. ✅ لو نفسك البروفايل بتاعك يوصل للناس الصح، اعمل الحاجات دي: 1. عدّل العنوان المهني بكلمات الناس بتدور بيها فعلًا. 2. حط الكلمات دي في النبذة الشخصية والخبرات كمان. 3. راجع قسم المهارات وضيف المهارات اللي السوق محتاجها. 4. انشر محتوى يخدم المجال اللي عايز تشتغل فيه كل أسبوع على الأقل. شاركني 👇 • إحصائيات الظهور عندك بتقول إيه؟ • بتظهر لمين؟ وهل ده فعلاً بيعبر عنك؟ • إيه أكتر حاجة جابتلك تفاعل أو ظهرتك للناس على LinkedIn؟

كنت نايم لحد ما صحيت على منشن الساعة 3 الصبح 👉 فتحت لينكدإن وأنا لسه مش مركز، ألاقي إشعار غيّر يومي بالكامل: تم تصنيفي ضمن المبدعين المؤثرين في مصر لعام 2025 في مجال الذكاء الاصطناعي! 🔹 بصراحة؟ أنا اتفاجئت. ليه؟ لأن أنا مش متخصص في AI بس بشارك محتوى عنه مرة واحدة في الأسبوع من باب الشغف والمعرفة. الإنجاز ده جه من خلال منصة رائدة والأوله من نوعها بتصنّف المؤثرين وبتنشئ لكل واحد فيهم chatbot ذكي وهي HeyClono يعني جمهورك يقدر يتواصل مع "نسخة منك" 24/7. بشكل احترافي ومتطور. 🔹 اللي خلاني مبسوط فعلًا مش بس التصنيف، لكن الرسالة اللي وراه: > إن الشغف والنية الصافية ممكن توصل صوتك لأبعد مما كنت تتخيل. أنا بدأت أشارك عن الذكاء الاصطناعي عشان أبسط المفاهيم، أوصل المعلومة، وأفتح الباب لناس كتير تدخل المجال بدون تعقيد. واللي حصل ده reminder مهم لينا كلنا: مش لازم تكون خبير علشان تسيب بصمة. الاستمرارية، القيمة، والصدق هما اللي بيفرقوا في الآخر. عمرك صحيت على خبر غيّر يومك أو خلاك تبتسم فجأة؟ حابب أسمع قصتكم أو لحظة "المفاجأة" اللي عدّت عليكم قريب.

أحب أعبّر عن خالص امتناني وسعادتي وبفضل الله وكرمة وتوفيقه بإنضمامي إلى شركة MTMS Global للاستشارات والتدريب والتطوير المهني كمستشار في كتابة السيرة الذاتية وتحسين ملفات لينكدإن. شرف كبير ليا إني أكون جزء من فريق احترافي بيشارك في تطوير مسارات الناس المهنية ويساعدهم يحققوا أهدافهم بثقة وتميّز. إن شاء الله أقدّم كل خبرتي ومعرفتي عشان نحقّق مع بعض قيمة حقيقية لعملائنا، ونقدّم لهم خدمات تليق بتطلعاتهم وتكون نقطة انطلاق قوية في رحلتهم المهنية. شكرًا مرة تانية على الثقة، ومتحمّس جدًا للمرحلة الجاية معاكم يا صديقي Mohamed Osama

لما بتسيب الجيش بعد 20 سنة خدمة بتكتشف!! إن الحرب الحقيقية هي تسويق نفسك في سوق العمل المدني! ناس كتير بتفتكر إن الخبرة العسكرية صعب تتفهم أو تتوظّف مدنيًا بس ده مش صحيح لو تترجمها صح. 🔹 القصة: عقيد ع.م (20 سنة في القوات المسلحة) جالي بـ CV مليان بطولات من سنه ، ولكن: 👉 مش عارف يكتب المصطلحات العسكرية اللي يفهمها الATS 👉 مش لاقي وظيفة فيها أمان وتناسب القيادية والانضباط اللي عنده 👉 وصف وظيفي و الCore Value غير واضحين 👉 تصميم سيرة ذاتية قديم و غير احترافي 🔹 خطوات التحوّل: 1️⃣ حوّلنا الخبرة للغة السوق “قائد سرية إشارة” → “Operations Manager for Tactical Communications” “مساعد قائد كتيبة دفاع جوي” → “High-Risk Environment Strategy Advisor” 2️⃣ بنيت Tailored ATS Resume يحكي قصة قيادته ➡️ كتابة Headline متوافق مع متطلباتة: Retired Colonel | Crisis Management Expert | Site Security Leader ➡️ تطوير Professional Summary بيركّز على القيمة المضافة اللي فيها أرقام: “قلّلت معدلات التسلل 50٪ في X Tower باستخدام نظم تأمين متطورة” ➡️ تعزير الكلمات المفتاحية Relevant Keywords : Risk Management – Contingency Planning – Cross-Functional Teams ➡️ اضفت نتائج حقيقية PTR: “أنقص الفاقد التشغيلي 30% في X Wellness Resort” النتيجة خلال 6 شهور ؟ ✅ اتعين Site Security Manager في X Lagoons Resort ✅ 5 مقابلات مع شركات قيادية في مجال إدارة الأزمات ✅ السيرة بتوصل أسرح للاتش ار لما بيقدم علي اي وظيفة 👈 الخبرة ما بتضيعش، هي بس محتاجة تتقال بلغة السوق وبالطريقة الصح وده كان ريفيو العقيد للخدمة بعد سنه تقريبا من شرائها مستني إيه؟ ابعت رسالة دلوقتي وخلينا نبني سيرة ذاتيه قويه تعكس مهاراتك تدخل بيها سوق العمل بقوة 👇 https://wa.me/201065283852

عايز تبقى دايمًا سابق بخطوة في عالم الذكاء الاصطناعي؟ يبقي الكنز دة ليك 👇 في 2025، الذكاء الاصطناعي مش بس تريند، ده بقى أداة أساسية لأي محترف عايز يطور شغله ويوصل لأهدافه بسرعة وكفاءة. جبتلكم موقع اكتشاف وكنز جمع لنا قائمة بأقوى 100 أداة AI مستخدمة حاليًا ومش بس كده وفيه اكتر من 5000 أداة ذكاء اصطناعي ما بين مجاني ومدفوع وتجريبي في كل المجالات ✅ ودول بعض أبرز الأدوات: 🔹 أدوات الكتابة والمحادثة: ChatGPT Claude AI Perplexity AI QuillBot Notion AI Rytr Grok-3 Llama 2 Le Chat by Mistral AI ChatPDF 🔹 أدوات التصميم والصور: MidJourney V7 Stable Diffusion 3.5 DALL·E 3 Leonardo AI Canva AI Adobe Firefly 3 Photoshop AI Ideogram 3.0 Playground AI Magnific AI Clipdrop Krea.ai DreamStudio Lexica.art 🔹 أدوات الفيديو والصوت: HeyGen AI ElevenLabs Studio D-ID Sora by OpenAI Adobe Premiere Pro Runway ML Emote Portrait Alive (EMO) 🔹 أدوات الإنتاجية والأتمتة: Microsoft Copilot Microsoft Designer GitHub Copilot AI Zapier Make ContentShake AI 🔹 أدوات التسويق وتحليل البيانات: Adcreative AI by Semrush HubSpot CRM FLUX.1 Genie by Lumalabs Looka DeepSeek-R1 GPT-4o FaceFusion Veo 2 Google Hugging Face 🔹 أدوات الترجمة والمعالجة اللغوية: Deepl وغيرهم من الأدوات المهمه كلهم متجمعين في موقع واحد من غير لف ودوران كتير 💡 ليه الأدوات دي مهمة؟ كل أداة من دول بتقدم حلول ذكية لتسهيل الشغل، سواء في الكتابة، التصميم، التسويق، أو حتى إدارة الوقت. 📣 قولي يا صديقي إنت استخدمت أي أداة من دول؟ لو حابب تعرف أكتر عن الأدوات دي وتفاصيل استخدامها، اللينك الكامل للقائمة في أول كومنت او سيب كومنت فيه كلمة "AI List" وابعتهولك في الريبلاي ! 😉 ولو اول مره تتابعني ومهتم بأدوات الAI تابعي وتابع هاشتاج 👇 #سبت_الAI بنزل فيه محتوي علي الذكاء الاصطناعي

لو لسه بتفكر تبدأ في الذكاء الاصطناعي… فـ جوجل قررت تسهّل عليك أول خطوة. النهارده، مش محتاج تدفع آلاف عشان تبدأ في AI، لأن جوجل نزلت كورسات مجانية بشهادات معتمدة! 2025 بقى سنة التحول للذكاء الاصطناعي — الشركات بتدور على المهارات دي، ومفيش وقت أحسن من كده تبدأ. أفضل 10 كورسات مجانية من جوجل في مجالات الذكاء الاصطناعي والحوسبة السحابية: (كلهم بشهادات معتمدة وجاهزين تبدأ بيهم دلوقتي) 🔹 تفاصيل الكورسات والرابط الرئيسي: 👉 https://fedniy.com/2819 ✅ شهادات Google المهنية (Professional Certificates): بتنافس الشهادات الجامعية 4 تخصصات مهمة مدة الدراسة من 3 لـ 6 شهور أونلاين بالكامل ومجانية 📌 التفاصيل: https://lnkd.in/dU9XutWB ✅ شهادة إدارة المشاريع الاحترافية – مجانًا وبالإنجليزي والعربي (وممكن تشتغل بيها في freelance وتقبض بالدولار) 📌 https://lnkd.in/dCF_RuFg ✅ منحة جوجل براتب 3200 دولار شهريًا! تدريب عملي حقيقي تمويل كامل من جوجل 📌 https://lnkd.in/deDp4J_v ✅ كورسات باللغة العربية لكل المستويات (مبتدئ – متقدم) في تخصصات مطلوبة في السوق 📌 https://bit.ly/3xPPNwv ✅ كورس التسويق الرقمي المجاني من جوجل (Google Digital Marketing) 📌 https://lnkd.in/dfCFa2TK ✅ كورس الأمن السيبراني – مجاني وبالعربي من جوجل 📌 https://lnkd.in/dBAic9nq الخلاصة؟ مفيش حجة. عندك فرص مجانية، بشهادات معتمدة، من واحدة من أكبر شركات العالم. ابدأ بكورس واحد بس… وهتشوف الفرق في CVك و LinkedIn بتاعك. لو محتاج تنقل كاريرك أو تطور من نفسك، دول فرص حقيقية ومجانية. شارك في الكومنتس: بدأت أو ناوي تبدأ بكورس إيه؟ وعمل تاج لحد ممكن يكون مهتم بالكورسات دي! #سبت_الAI #LinkedIn #googleAI

تفتكر إيه اللي بيخلي البروفايل على LinkedIn "يعدي من غير ما حد ياخد باله"؟ ناس كتير بتكون شاطرة فعلاً، بس البروفايل مش بيترجم ده صح، وده ممكن يضيع فرص كتير! شارك برأيك، وصوت على أكتر غلطة شايفها منتشرة. ولو محتاج تطور حسابك علي لينكدان ابعتلي رساله وخلينا نظهره بشكل يليق بيك

مفاجأة صادمة !! 99% من الـbusiness coaches مش بيحولوا زوار لينكدإن لمبيعات… ويمكن ده بيشملك أنت كمان! 🔹 جاهز تعرف درجتك على LinkedIn في أقل من دقايق؟ 🔹 عايز تكشف النقاط اللي ممكن تكون بتفوتك وبتخلي عملاء محتملين يهربوا منك؟ اكتشفت Quiz بسيط بيشغّل الميكروسكوب على 4 محاور أساسية في بروفايلك من المبدع Craig Dean 🔍 PERSONAL BRANDING – ازاي تتميز عن المنافسين بتوعك وتخلي الناس تتذكر اسمك في أول لقاء. ✍️ PROFILE COPY – هل كلماتك في الـHeadline والـAbout فعلاً بتشد الزائر ويتحمّس يتواصل معاك؟ 🎯 LEAD GENERATION – الطرق اللي بتستخدمها لجذب عملاء جدد يخشّوا على بروفايلك ويقولوا: “عايزين نشتغل معاك”. 🔑 KEYWORDS & SOCIAL PROOF – هل بروفايلك متظبط بالـSEO الداخلي بتاع لينكدإن؟ وعندك Testimonials قوية تثبت خبرتك؟ ✨ المميزات المطوّرة: • مجاني 100% • أقل من دقيقتين للتّعبئة • نتائج مخصّصة توصلك فورًا أنا شخصيًا جربت الاختبار ده ودي كانت النتيجه بتاعتي زي اللي في الصوره تحت 93% اضغط على اللينك وجرب بنفسك: 👇 https://lnkd.in/dfXfEV2w قولي في الكومنتات: - إيه أكتر نقطة شايف إنك محتاج تطوّرها في بروفايلك؟ وشاركنا سكرين شوت لنتيجتك اللي هتطلع في الكومنتات بس اهم حاجه تجاوب على الاسئلة بمنتهي المصداقيه عشان النتيجة تطلع دقيقة

انت برأيك مين الاجدر في اختيار الموظفين؟ العقل البشري ام الذكاء الاصطناعي؟

انت لسه بتكتب الـ CV بالطريقة القديمة دي؟ أنا شايف ناس كتير بتبدأ الـ CV بخبرتهم أو تعليمهم على طول. وبصراحة، ده بيقتل فرصهم من قبل ما الموضوع يبدأ! المشكله أن كل مرة بتحط "الخبرات" أو "التعليم" في بداية السيرة الذاتية، بتخسر انتباه مدير التوظيف من أول سطر! والأسوأ، بتخلي نظام الـ ATS يعديك من غير ما يشوفك خالص! 🔹 وتخيل بقى بتقعد ساعات تكتب خبراتك وإنجازاتك، والريكروتر أصلاً مش بيقرا غير أول كام سطر وبعدين يحط الـ CV على جنب! 🔹 وبما إن الـ ATS بيدور على كلمات مفتاحية معينة في أماكن محددة، فلو مش موجودة في البداية، يبقى مش هتعدي الفلتر أصلاً! 🔹 والنتيجة؟ أنت كدا ببساطة بتسيب فرصة وظيفة أحلامك تضيع من إيدك وإنت مش عارف حتى إيه اللي حصل! طب الحل؟ المفروض نبدأ السيرة الذاتية بـ "الملخص المهني (Professional Summary) أو بسميه Strong Branding قوي وجذاب! 🔸 بيخلي مدير التوظيف متحمس إنه يكمل قراية سيرتك الذاتية 🔸 بيسمحلك تحط الكلمات المفتاحية اللي الـ ATS بيدور عليها 🔸 بتعرّف مين إنت كمحترف في ٣-٤ جمل بس طب إزاي تكتب ملخص مهني يشد الإنتباه؟ 🔹 اكتب سنين الخبرة بتاعتك (مثلاً: "محترف تسويق رقمي بخبرة ٥ سنين") 🔹 لمع أقوى مهارة عندك ("متخصص في إدارة حملات السوشيال ميديا") 🔹 حط ١-٢ إنجاز كبير علشان تبني ثقة ("ساهمت في زيادة مبيعات الشركة بنسبة ٤٠٪") 🔹 وممكن تضيف قيمة مهنية بتميزك ("شغوف بتطوير استراتيجيات تسويقية مبتكرة") خلي بالك: الملخص مش رواية ! ٣-٤ جمل كفاية جداً، وبلاش تحشي كلام كتير ملوش لازمة. ✍️ تحدي النهاردة: اكتب ملخصك المهني في ٣ جمل وحط فيه كلمة مفتاحية من الوظيفة اللي بتحلم بيها 👇 يلا شاركني بالملخص بتاعك في التعليقات او في رسالة وانا هقيمهولك متنساش إنك تستاهل شغل تحبه وتستمتع بيه كل يوم علشان كده لازم الـ CV بتاعك يوصل رسالة واضحة: "أنا مختلف ومميز!"

ال CV بتاعي لازم يبقى صفحة واحدة؟ ولا اكتر؟ خليني أقولّك من الآخر: الصفحة الواحدة مش قانون… دي اختيار، مش فرض. 🔹 في بداية شغلي في كتابة السير الذاتية #CV كنت فاكر إن السي في اللي أكتر من صفحة أو اتنين ممكن يبان إنه “مبالغ فيه” أو “مُرهِق للقارئ”. بس بعد ما اشتغلت مع مئات المحترفين، من جونيورز لحد مدرين تنفيذيين، اكتشفت الآتي: 👉 فيه ناس بتحاول تحشر سنين من الخبرة، إنجازات، شهادات، وتفاصيل تقنية جوه صفحة واحدة او اتنين والنتيجة؟ المحتوى بيطلع محشور، مبتور، ومش باين فيه القيمة. 👉 وفي المقابل، فيه ناس تانية بتستخدم اكتر من صفحتين بس كل فقرة متوظفة بعناية علشان توضح الصورة كاملة وبتتناسب مع متطلباب الوظيفة زي كتاب مفتوح بيحكي قصة نجاحك... بس بطريقة ذكية. 🔹 امتى تختار صفحة واحدة؟ - لو لسه بادئ في حياتك المهنية - لو تقدر تختصر وتوصل القيمة بسرعة - لو بتقدّم في مجالات بتحب الحاجات السريعة والمباشرة (زي startups) 🔹 وامتى أكتر من صفحتين تكون أحسن؟ - لو عندك +5 سنين خبرة - لو اشتغلت في كذا industry أو مع شركات عالمية - لو عندك إنجازات أو awards تستحق الظهور - لو أكاديمي أو باحث أو طالب بتقدم علي منحة خارجيه ومطلوب منك معلومات دقيقة. 💡 الفكرة مش في عدد الصفحات الفكرة في إن كل سطر يخدم هدفك وهدف المكان اللي هتقدم فيه ال HR مش هيوقف عند رقم الصفحة بس ممكن يقف عند سطر مكتوب بحِرفية أول مرة زوّدت الCV لصفحتين، كنت متردد. بس النتيجة؟ زادت الردود، والانترفيوز بقت أكتر... لأن أخيرًا بقيت بعرض القيمة الحقيقية مش مجرد ملخص! هل انت مع صفحة واحدة؟ ولا شايف إن أكتر من صفحتين توصل صورتك أحسن؟ شاركني رأيك، وtag حد ممكن يكون بيفكر يعدّل السي ڤي بتاعه دلوقتي! و لو السيرة الذاتية بتاعتك أو حسابك على لينكدإن مش بيعبّر عنك زي ما تستحق ✅ سواء لسه طالب وبتحاول تجهّز أول CV ✅ أو خريج جديد وعايز تدخل السوق بشكل قوي ✅ أو محترف عايز يطوّر البراند الشخصي بتاعك على LinkedIn ✅ أو مدير تنفيذي محتاج CV وحساب يليق بتاريخك المهني أنا هنا علشان أساعدك تطوّرهم بشكل يخليك تلمع قدّام الـHR وأصحاب القرار. ✍️ خدمة احترافية لتطوير الـ CV 💼 وتحويل حسابك على LinkedIn لـ brand شخصي بيفتحلك أبواب الفرص! 📩 ابعتلي رسالة وخلينا نبدا أو اكتب "مهتم" في كومنت وأنا هبعتلك التفاصيل.

أهم 8 أدوات GPT بستخدمها عشان أشحن إنتاجيتي وأبرِز شغلي على LinkedIn 🔹 Email and Mail Writer بتساعدك تكتب إيميل مهضوم، مهني، ومختصر في ثواني. وفر على نفسك ساعات كتابة ومراجعة. https://lnkd.in/dt8Jnuzm 🔹 Prompt Maker لو أوامرك مع ChatGPT ملهاش تأثير قوي؟ الـPrompt Maker بيحوّل أي طلب بسيط لأمر مُحسَّن يطلع أقصى نتيجة ممكنة. https://lnkd.in/dBD5aiGy 🔹 Creative Writing Coach عايز ترفع مستوى كتابتك الإبداعية؟ الأداة دي بتراجع شغلك وتديك فيدباك علشان تحسّن الأسلوب وتشد القارئ من أول سطر. https://lnkd.in/dm7tyZPW 🔹 AI Humanizer بيحوّل المحتوى الآلي لكتابة شبه البني أدم، يضيف طابع إنساني وأسلوب حميم للقارئ. https://lnkd.in/drb2bwpk 🔹 Human Translation ترجمات دقيقة وطبيعية زي الترجمة البشرية لكل اللغات الرئيسية. وداعًا للترجمت الصح-غلط! https://lnkd.in/dWFyh3D4 🔹 Diagrams: Flowcharts & Mindmaps لو ذهنك ملخبط ومحتاج تصوّر الأفكار، الأداة دي بتصمم انفوجرافيك ورسوم بيانية وMindmaps احترافية في ثواني. https://lnkd.in/dEugF-xg 🔹 Fully SEO Optimized Article عايز مقال متوافق مع محركات البحث، بالصور وFAQ، ومتعدد اللغات؟ دي أداة السؤال والإجابة! https://lnkd.in/de2mWiCE 🔹 Sora لإنشاء تصاميم وصور وفيديوهات عالية الجودة بدعم AI، من غير ما تحتاج مصمم. https://sora.chatgpt.com/ الأدوات دي مش بس بتختصر وقتك، لكن كمان بترفع مستوى شغلك قدام عملائك ومديريك. جربوها ودولّي رأيكم 👉 شاركوني في التعليقات: • إيه أكتر تول عجبتكم ؟ • عندكم أدوات تانية بتعتمدوا عليها؟ • إعملوا Tag لحد يعرف الأدوات دي هتفيده! #سبت_الAI

7 أخطاء ممكن تكون بتقع فيهم من غير ما تاخد بالك، لو بتدور على شغل والأغرب؟ إنهم بيحصلوا دايمًا من ناس شاطرة ومؤهلة بس مش واخدة بالها من التفاصيل الصغيرة! خليني أقولك عليهم بصراحة وبالبلدي... عشان لو عدّيت أي نقطة من دول، ما تكسفش… بس لازم تتحرّك وتصلّح فورًا. يلا نبدأ: 1️⃣ بتدوس "Easy Apply" على لينكدإن وبتقدّم على 50 شغلانة في اليوم؟ مبدأ "ارمي السي ڤي في كل حتة ويمكن تيجي معايا" ده ما ينفعش للأسف. التقديم العشوائي وأي حاجة تيجي اكبر جريمة في حق نفسك وبتدمر صورتك الصح؟ إنك تخصّص السي ڤي بتاعك لكل وظيفة... مش لازم تبذل مجهود خرافي، بس لازم شوية تركيز. 👉 ابعتلي لو عايز تعرف إزاي تظبط السي ڤي بتاعك لأي وظيفة في 5 دقايق بس. 2️⃣ بتقدّم من غير ما تظبط البروفايل بتاعك على لينكدإن؟ معلومة صادمه!! الـ ATS دلوقتي بيقارن بين السي ڤي والبروفايل بتاعك. جنب بعض! يعني لو البروفايل ناقص، أو الصورة مش بروفيشنال، أو الخبرة مش واضحة، مش هتعدي من تحت الرادار. 3️⃣ السي ڤي بتاعك يا طويل أوي، يا ناقص، يا مش واضح • لو 3 صفحات؟ كتير • لو صفحة وفيها كلمتين؟ قليل. • لو شكله مش حلو؟ الاتش ار اللي بيختار مش هيركّز معاك. 👈 الحل؟ سي ڤي شكله حلو، مرتب، 1-2 صفحة بالكثير، يبين إنك عارف إنت بتعمل إيه. 4️⃣ الجُمل اللي في السي ڤي ضعيفة أو “مالهاش لازمة” عايز تتقبل؟ لازم كل نقطة في السي ڤي تكون زي الرصاصة! • أفعال قوية • تفاصيل دقيقة • نتايج حقيقية 👈 من غير ده؟ فرصة الانترفيو هتروح. 5️⃣ بتبدأ السي ڤي بقسم الخبرات؟ غلط! لازم الأول تخلّي اللي بيقرأ السي ڤي يتحمّس! ابدأ بـ: • المسمي الوظيفي • ملخص بروفيشنال يوضح إنت مين • أهم المهارات والخبرات ده مش بس يشدّ، ده كمان يساعد في الـ ATS. 6️⃣ بتسيب نفسك لتأثير العُمر؟ لو فوق الـ 45، لازم تاخد بالك. فيه تحيّز في السوق، للأسف، بس فيه حلول: • خليك مركز في آخر 15–20 سنة من الخبرة بس • متحطّش سنة التخرّج • متستخدمش إيميل فيه سنة ميلاد • ركّز على المهارات التكنولوجية والتعامل مع التغيير 7️⃣ بتدخل الانترفيو من غير ما تتدرّب؟ أسرع طريق لرفضك؟ إنك تروّح تقعد قدامهم وتقول "هارتجل" وزي ماتيجي تيجي الناس اللي بتتمرن، وبتحضّر، وبتتوقّع الأسئلة وبتذاكر الشركة كويس هما اللي بيتقبلوا. بسيطة مش كده؟ أنا كتبت البوست ده بعد ما قابلت ناس كتير جدًا، مؤهلة، وبتستاهل فرص عظيمة، بس بيضيعوا فرصهم بسبب الأخطاء دي وهما مش عارفين لو حسّيت إنك بتقع في واحدة أو أكتر… مفيش مشكلة، كلنا بنتعلم، بس المهم إنك تبدأ من النهارده. قولّي في الكومنتات، إنت وقعت في كام غلطة من دول؟ وابعتلي لو محتاج مساعده عشان متضعش تاني 😉

4 خطوات تعمل بيهم أبليكيشن تكسب بيه شغلانة في أقل من 15 دقيقة لو بتدور على شغل أونلاين، غالباً بتقدم على فرص كتير ومابتسمعش رد. بتقعد بالساعات تعدل في CV ومحتار تكتب إيه في الـ Cover Letter. وبعد كل ده؟ مفيش حاجة بتحصل! أنا هنا علشان أقولك إنك تقدر تخلّص CV، وCover Letter، وLinkedIn Profile مظبوطين ومفصّلين لأي وظيفة في أقل من 15 دقيقة! هبدأ معاك بأول خطوة النهاردة 👇🏻 🔹 بص على CV بتاعك وشوف محتاج يتظبط في إيه تخيل معايا كده: إنت بتسْكرول عاللينكد إن... وفجأة تلاقي شغلانة تقول لنفسك: "دي أنا!" بس قبل ما تقدّم، عايز تتأكد إن الأبليكيشن بتاعك فعلاً يشدّ انتباههم. الناس عادةً بتعمل إيه؟ بيحاولوا يخصصوا الـ CV والـ Cover Letter... بس مش عارفين يبدأوا منين وممكن مفيش وقت او بيقدم Easy Apply من الموبايل وفي الآخر بيضيع وقت كتير قوي والنتيجة؟ ولا حتى رد. طب إيه اللي فعلاً بيجيب نتيجة؟ لازم يبقى عندك طريقة سريعة وسهلة تعرف بيها إزاي تظبط سيفيهك حسب الوظيفة دي بالذات. مش تقدم وخلاص. لا إقرا الوصف الوظيفي، وراجع الـ CV، وشوف الفروقات. 🔹 إزاي تعمل ده؟ اتبع الخطوات دي: 1️⃣ روح على موقع ResyMatch.io هات نسخة من الCV بتاعك، وافتح الـ Job Description اللي عايز تقدم عليه. 👈 ادخل على ResyMatch.io، حمّل الـ CV ، وانسخ الوصف الوظيفي، وبعدين دوس "Scan". 2️⃣ راجع الفيدباك، وابدأ بـ ATS Best Practices الموقع هيقارن بين الـ CV والوصف الوظيفي، وهيطلعلك Score. 👈 ابدأ بمراجعة الـ ATS Best Practices — دي الحاجات اللي بتخلي الـ CV يتقرى صح من السيستم. عدّل اللي محتاج تعدله، وبعد كده خش على قسم المهارات. ⚡ نصيحة عالسريع: لما توصل لـ Score عالي هنا، استخدم نفس الشكل والتنسيق بعد كده لأي CV جديد. 3️⃣ راجع الـ Hard & Soft Skills لو عايز فرص أكتر في الإنترفيوهات، لازم تستخدم كلمات مفتاحية صح. هتلاقي المهارات مترتبة حسب أهميتها في الشغلانة دي بالذات. ركز على المهارات اللي اتكررت أكتر، وشوف إيه اللي ناقص في سيفيهك (Skill Gap). دوّنهم، علشان تضيفهم بسهولة بعدين. ⚡ نصيحة عالسريع: مش لازم توصل 100%. بس اقفل الفجوة في أهم 5-7 مهارات، وCVك هيبقى قوي. 4️⃣ راجع Sales Index Section ناس كتير بتخسر الشغلانة لأنهم بيشرحوا شغلهم، بس مش بيبيعوا نفسهم! ال Sales Index بيساعدك تعرض خبرتك بشكل يخلي قيمتك باينة وواضحة للشركة. ركز على 👇🏻 • الطول المناسب: من 400 لـ 1000 كلمة. • أرقام ومقاييس: الوقت، التأثير، عدد الناس اللي اشتغلوا معاك، الميزانية، إلخ. • لغة جذابة: مثلاً بدل ما تقول "اشتغلت على المشروع"، قول "قدرت أنجح في تنفيذ مشروع ضخم قبل المعاد ووفّرت 20% من الميزانية". جاهز تطور سيرتك الذاتية ؟ دي أول خطوة بس. ابعتلي وخليني اساعدك تقدم على أي وظيفة بثقة! ولو عاوز تعرف اكتر ازاي تكتب CV احترافي بخطوات بسيطة شوف رايط المقال الي في اول كومنت 👇🏻

خدعوك فقالوا: كتابة السيرة الذاتية لحديث التخرج أسهل حاجة! أصلاً انت حديث تخرج؟ يبقى المفروض تكتب CV في ربع ساعة وتبعت وخلاص… صح؟ لأ، خالص. الموضوع أعقد من كده بكتير. أنا فاكر أول مرة حاولت أكتب فيها سيرتي الذاتية بعد التخرج. 👈 عدّت ساعات وأنا محتار: ✅ أكتب إيه وأنا ما اشتغلتش قبل كده؟ ✅ أرتب إزاي الحاجات اللي عملتها في الجامعة؟ ✅ إزاي أخلي الـ CV يبان "احترافي" وأنا لسه بادئ؟ المشكلة إن مفيش دليل واضح بيقولك تبدأ منين. 👈 وساعتها تلاقي اللي يقولك: "اكتب أي حاجة وخلاص، انت لسه فريش جريد، محدش هيحاسبك، الكلام ده كان زمان ماشي لكن دلوقتي مع ظهور نظام الATS والتحول الرقمي الرهيب والنشاطات الطلابية اللي كل الجامعات بتنظمها بس الحقيقة؟ الشركات بقت تدقّق أكتر، وبتدور على إمكانيات حتى من قبل أول شغل. طيب، تعمل إيه؟ ✅ ركّز على المشاريع الجامعية اللي ليها نتائج أو تطبيق عملي ✅ لو اشتغلت تطوّع أو حتى فريلانس، اكتبه بالتفاصيل ✅ استخدم كلمات مفتاحية بتعكس التخصص والمهارات ✅ متنساش تبين المهارات الناعمة (Soft Skills) اللي اكتسبتها ✅ وهي أهم نقطة: اكتب بلغة النتائج مش المهام يعني بدل "شاركت في تنظيم مؤتمر" 👈 قول "نظّمت مؤتمر حضره +200 طالب وساعدت في إدارة الفريق بفعالية" أنا اشتغلت مع عدد كبير من حديثي التخرج، واللي بيقدر يوصل قصته صح على ورقة واحدة. هو اللي CV بتاعه بيتشاف، ومش بيتنسى. كتابة سيرة ذاتية لحد فريش جريد مش أسهل، دي أصعب لأنك بتكتب من غير تاريخ ولا معلومات تعتمد عليها. بس ده اللي بيخليك مميز لو عرفت تحكيه صح. قولّي بقى👇 🔹انت/ي كتبت/ي CV وانت لسه طالب ولا أول ما تخرجت؟ 🔹إيه أصعب حاجة واجهتك وقتها؟ مستني إيه؟ لو حديث التخرج ومش عارف تكتب ايه في الCV ابعتلي رسالة دلوقتي مكتوب فيها "Fresh Graduate" وخلينا نبني سيرة ذاتيه قويه تعكس مهاراتك تدخل بيها سوق العمل بقوه 👇 https://wa.me/201065283852

I’m happy to share that I’m starting a new position as Resume & LinkedIn Consultant at MTMS Global!

إزاي تخلي الـATS “يقرا” الـCV بتاعك من غير ولا مواقع ولا برنامج؟ 1️⃣ افتح الـCV في Notepad وحفظه بصيغة .txt. - لو ظهر المحتوى منظم بترتيب منطقي (العنوان، الخبرة، التعليم، المهارات…) من غير فوضى أو رموز غريبة، يبقى ATS هيقرأه بسهولة. 2️⃣ ابتعد عن العناصر الرسومية والجداول - أي جدول أو خانات أو خطوط فواصل معقدة هتتحول لرموز “####” أو “????” في الـTXT، وهيضيع ترتيب المعلومات. - تأكد إن كل فقرة عبارة عن سطر أو إثنين بحد أقصى، وبدايتها clear heading (مثلاً “Experience:” أو “Education:”). 3️⃣ استخدم “Headings” ببساطة - اكتب الأقسام الرئيسية بهذا الشكل: EXPERIENCE Company Name – Job Title – Dates - Bullet point 1 - Bullet point 2 EDUCATION University – Degree – Graduation Year - لو الـHeadings واضحة وسطر فاضي قبل وبعد، الـATS هيفهمها كعناوين أقسام. 4️⃣ نقاط (Bullet points) بنجمة أو شرطة - استخدم - أو * قبل كل نقطة. مثال: - Managed team of 5 engineers to deliver project on time. - ما تستعملش رموز خاصة زي (✓). - تجنب التنسيقات الخاصة اللي معموله على كانفا او اي حاجه غير الـWORD - مفيش bold أو italic أو underline في النص العادي. - مفيش خانات، مفيش خطوط طولية أو صور، مفيش نصوص بألوان. - ترتيب زمني عكسي واضح - ضمن قسم الخبرة “Experience”، رتب الوظائف من الأحدث للأقدم. - التاريخ يكتب بالصيغة: May 2023 – April 2025، أو حتى 05/2023 – 04/2025. 5️⃣ الكلمات المفتاحية (Keywords) - افتح الـCV في Notepad وابحث (Ctrl+F) على المصطلحات الأساسية في مجال شغلك (مثلاً “Project Management”، “Salesforce”، “Python”). - لو لقيتها في النص، يبقى الـATS هيرصدها. لو مش لاقي، ضيفها في نقاط المهارات أو الوصف الوظيفي. 6️⃣ راجع الملف في Notepad - اقرا الـTXT من أول السطر لآخره: لو كل حاجة بتظهر مقروءة ومنظمة، يبقى جاهز. - لو لقيت سطور ملتصقة ببعض أو رموز غريبة، عدّل الـCV الأصلي في Word أو Google Docs وحذف التنسيقات المعقدة قبل الحفظ كـTXT. 7️⃣ Workflow قصير وعملي - جهز الـCV في Word/Google Docs. - احذف الصور والجداول. - حسّن العناوين والنقاط بالنمط النصي العادي. - احفظ “Save As” ➔ Plain Text (.txt). 8️⃣ افتحه في Notepad وتأكد: - لا رموز غريبة - عناوين واضحة - نقاط تبدأ بـ - أو * - ابحث Ctrl+F على الكلمات المفتاحية وتأكد وجودها. لو كل ده موجود، تبقى ضمنت قراءة نظيفة من أي ATS بدون ما تحتاج ولا موقع ولا أي أدوات واتفرج على الفيديو عشان تعرف ازاي تطبق الخطوات دي كلها بشكل صح مستني إيه؟ ابعتلي رسالة دلوقتي لو عايز الـCV بتاعك يتقري 100% على الـ ATS من هنا👇 https://wa.me/201065283852

عايز تتعلم أي حاجة من غير ما تدفع جنيه؟ ال ChatGPT ممكن يكون "المدرس الخاص" اللي انت محتاجه! (وايه اللي يمنعك؟ كل الأدوات قدامك ومجانية!) 👉 لو لسة ماخدتش بالك، أقوى 10 طرق تستخدم بيها ChatGPT علشان تطور مهاراتك في أي مجال 🔹 إغوص في الموضوع: قولة : "أنت خبير في [المجال]. اشرحلي أهم المفاهيم وأعطيني أمثلة واقعية، واعمللي خطة 30 يوم أتقن بيها الموضوع ده!" 🔹 مذاكرتي ماشية بالكتالوج: اطلب منه: "اعمللي جدول مذاكرة يومي للمبتدئين في [المجال]، وديلي مصادر ببلاش وأسئلة تدربني." 🔹 شغل مخي: قول: "اسألني أسئلة محيرة في [المجال]، وعلّق على إجاباتي وقولي أطور تفكيري إزاي! 🔹 سقراط في الشات: دلّني بأسئلة تفكّرني في [الفكرة] لحد ما أفهمها من جواها! 🔹 ال history هيقولك المستقبل: حلّل تأثير [حدث تاريخي] على [المجال]، وقولي الدروس اللي نستفيدها النهاردة! 🔹 اعمل دور المينتور: اتكلم معايا كانك خبير في [المجال]، وقولي النصايح اللي لو اتعملت هتخلي المبتدئ ينجح! 🔹 اتعلم بال cases: اعرضلي حالة واقعية في [المجال]، واختبر فهمي عليها! 🔹 علمني وأنا أعلّمك: هحاول أشرحلك [الموضوع]، صحّحلي وأسألني أسئلة تثبت فهمي! 🔹 ال analogies دي سلاح: اشرحلي [الموضوع] ب 3 أمثلة من حياتي اليومية عشان أفهمه من كل gócبة! 🔹 اتخيل الموضوع قدامك: أوصّفلي [الموضوع] كانك رسّام، واعمللي mind map بالكلام! 🎯 ليه الموضوع ده مهم؟ العالم بيعدي بسرعة، واللي مبيتعلمش بيفضل ورا. وانت عندك أقوى أداة مجانية (ChatGPT) تقدر تتعلم بيها أي حاجة لو عرفت تستغلها صح. الـ AI مش هيحل محل البشر، لكن اللي بيستخدم الـ AI هيكون أسرع مليون مرة. ومتنساش تشكر ChatGPT 😂 👇 إزاي تشارك؟ 1. جرب أي prompt من اللي فوق واكتبلنا في الكومنتات: ايه اللي اتعلمته؟ 2. تاچ صاحبك اللي بيحاول يتعلم حاجة جديدة واقولنا: "مين هيتحدى نفسه؟" 3. لو عندك prompts تانية ناجحة، شاركها معانا! #سبت_الAI #ChatGPT_بالعربي #Hazemtips

جاهز تحترف الانترفيو؟ 👈 “٤٠ قاعدة” هتخليك تعدي في أي انترفيو بإذن الله 1. اعرف الشركة كويس قبل ما تقعد. 2. احفظ اسم من هيقابلوك ونطقهم مظبوط. 3. حضّر قصة شخصية بتوضح نقاط قوتك. 4. استخدم صيغة STAR (Situation, Task, Action, Result). 5. ابتدي بابتسامة ونبرة صوت واثقة. 6. خليك مرتب في لبسك ومظهر محترف. 7. أوصل بدري 10-15 دقيقة قبل الميعاد. 8. لغة جسدك تكون مفتوحة: متقفلش دراعتك. 9. نظر ثابت من غير تجميد. 10. اسأل عن ملامح الدور الوظيفي مسؤولياته بوضوح. 11. ركّز على إنجازات قابلة للقياس (أرقام ونسب). 12. متتكلمش سلبيًا عن مديرين أو شركات سابقة. 13. خليك صادق: لو ما تعرفش حاجة، اعترف وحب تتعلم. 14. حضّر سؤال ذكي عن ثقافة الشركة. 15. اتدرب علي الاجابات قدام المرايا أو أصحابك. 16. استخدم أسماء المشاريع أو الأدوات اللي اشتغلت عليها. 17. خلي إجاباتك قصيرة ومركزة (1–2 دقيقة لكل سؤال). 18. تحكم في السرعة: متزودش كلامك عن اللازم. 19. خليك مرن وجاوب على الأسئلة المفتوحة بوضوح. 20. لو اتلخبطت، خد نفس وكرر السؤال بصوتك. 21. اظهر حماسك للدور والشركة. 22. اربط خبراتك بمتطلبات الوظيفة. 23. استخدم “إحنا” لما تتكلم عن إنجازات فريق. 24. وضح ازاي حلّلت المشاكل واتخذت قرارات. 25. إتحكم في توترك بإبتسامة بسيطة أو شوية تمارين تنفّس. 26. اسأل عن الخطوات الجاية في عملية التوظيف. 27. ابعت “شكراً” بعد المقابلة في خلال 24 ساعة. 28. ذكّرهم بنقطة قوتك الأساسية في الإيميل. 29. خلي تواصلك معهم مهني ولطيف. 30. تعلّم من كل مقابلة: دوّن ملاحظاتك بعد ما تخلص. 31. ابعد عن الكلمات العامية جداً، خليك محترف. 32. اتجنب مصطلحات تقنية معقدة لو مش مطلوبة. 33. ركّز على القيمة اللي هتضيفها مش على حقوقك بس. 34. اعرف متوسط مرتب الدور السوقي وتوقعاته. 35. لو عرضوا عليك راتب، اطلب وقت تفكير. 36. لا تغش أو تبالغ في مؤهلاتك. 37. خليك جاهز لمناقشة نقاط ضعفك بتحويلها لإيجابيات. 38. استخدم أمثلة واقعية من شغلك اليومي. 39. ابدي استعدادك لتعلم مهارات جديدة. 40. صدق إنك الافضل للدور—الثقة نصف المطلوب! وبس كدة يا صديقي كل مقابلة تجربة بتعلمك حاجة جديدة. سجل ملاحظاتك وطوّر نفسك دايمًا. أي قاعدة من دول حسّيت إنها مأثرة معاك أكتر؟ تاج لحد محتاج يستعد للمقابلة الجاية و إيه نصيحتك الذهبية قبل الانترفيو؟